വെസ്റ്റ്ഇന്‍ഡീസിനെതിരായ ട്വന്റി-20യിലും കെ എല്‍ രാഹുല്‍ കളിക്കില്ല
29നാണ് ട്വന്റി-20 പരമ്പരയ്ക്ക് തുടക്കമാവുന്നത്.
ട്രിനിഡാഡ്: കൊവിഡ് മുക്തനായ ഇന്ത്യന്‍ വൈസ് ക്യാപ്റ്റന്‍ കെ എല്‍ രാഹുലിന് വെസ്റ്റ്ഇന്‍ഡീസിനെതിരായ ട്വന്റി-20 പരമ്പരയും നഷ്ടമാവും. താരത്തിന് വിശ്രമം ആവശ്യമാണെന്ന് ബിസിസിഐ അറിയിച്ചു. നേരത്തെ വെസ്റ്റ്ഇന്‍ഡീസിനെതിരായ ഏകദിന പരമ്പരയ്ക്ക് തൊട്ടുമുമ്പാണ് രാഹുലിന് കൊവിഡ് സ്ഥിരീകരിച്ചത്. തുടര്‍ന്ന് താരം പരമ്പരയില്‍ നിന്ന് വിട്ടിരുന്നു. ഇതിന് മുമ്പ് നടന്ന ഇംഗ്ലണ്ട്-ദക്ഷിണാഫ്രിക്കാ പരമ്പരകളും പരിക്കിനെ തുടര്‍ന്ന് രാഹുലിന് നഷ്ടമായിരുന്നു. 29നാണ് ട്വന്റി-20 പരമ്പരയ്ക്ക് തുടക്കമാവുന്നത്.