ഹൃദയാഘാതത്തെതുടര്‍ന്ന് മലയാളി സലാലയില്‍ നിര്യാതനായി
പട്ടാമ്പി ആമയൂര്‍ സ്വദേശി കല്ലേകോട്ടില്‍ അലി (61) സലാലയില്‍ നിര്യാതനായി
പാലക്കാട്: പട്ടാമ്പി ആമയൂര്‍ സ്വദേശി കല്ലേകോട്ടില്‍ അലി (61) സലാലയില്‍ നിര്യാതനായി. ഹ്യദയാഘാതത്തെ തുടര്‍ന്ന് സുല്‍ത്താന്‍ ഖാബൂസ് ആശുപത്രിയില്‍ ചികിത്സയിലായിരുന്നു.
25 വര്‍ഷമായി സലാലയിലെ ഗര്‍ബിയയില്‍ ജോലി ചെയ്ത് വരികയാണ്. ഭാര്യ: ലൈല. മക്കള്‍: മിസ്‌രിയ, മുംതാസ്, മുഹ്‌സിന, മുഹമ്മദ് അന്‍സില്‍. മരുമക്കള്‍: ഹൈദര്‍ അലി, മുഹമ്മദ് റഫീഖ്.
മൃതദേഹം സലാലയില്‍ സംസ്‌കരിക്കാനുള്ള ശ്രമങ്ങള്‍ നടന്നു വരുകയാണെന്ന് ഐസിഎഫ് ഭാരവാഹികള്‍ അറിയിച്ചു.