വൈപ്പിനില് യുവാവിനെ മര്ദിച്ച് കൊലപ്പെടുത്തിയ കേസ്: ബന്ധുക്കള് അറസ്റ്റില്
ചെറായി ചങ്കരാടിത്തറ സുകുമാരന്റെ മകന് ബിനു(47)വിനെ മര്ദ്ദിച്ച് കൊലപ്പെടുത്തിയ കേസിലാണ് ബിനുവിന്റെ ഇളയച്ഛന് ചെറായി ചങ്കരാടിത്തറ മോഹനന്(62), ഇയാളുടെ മകന് ജിനീഷ്(43) എന്നിവരെ പോലിസ് അറസ്റ്റ് ചെയ്തത്
കൊച്ചി: വൈപ്പിനില് യുവാവിനെ മര്ദിച്ച് കൊലപ്പെടുത്തിയ കേസില് ഇളയച്ഛനും മകനും അറസ്റ്റില്. ചെറായി ചങ്കരാടിത്തറ സുകുമാരന്റെ മകന് ബിനു(47)വിനെ മര്ദ്ദിച്ച് കൊലപ്പെടുത്തിയ കേസിലാണ് ബിനുവിന്റെ ഇളയച്ഛന് ചെറായി ചങ്കരാടിത്തറ മോഹനന്(62), ഇയാളുടെ മകന് ജിനീഷ്(43) എന്നിവരെ പോലിസ് അറസ്റ്റ് ചെയ്തത്. ബിനുവിനെ പ്രതികള് ഇവരുടെ വീട്ടില് വച്ചാണ് മര്ദ്ദിച്ചതെന്ന് പോലിസ് പറഞ്ഞു. വാക്കുതര്ക്കമാണ് സംഘര്ഷത്തില് കലാശിച്ചത്. മര്ദനമേറ്റ് കുഴഞ്ഞവീണ ബിനു ഏറെനേരം അവിടത്തന്നെ കിടന്നു. പിന്നീട് പ്രതികള് തന്നെ ബിനുവിനെ കൊണ്ടുുവന്ന് ഇയാളുടെ വീട്ടിലാക്കുകയായിരുന്നുവെന്ന് മുനമ്പം പോലിസ് പറഞ്ഞു. ഇതിനുശേഷം വീട്ടുകാര് പറവൂരിലെ സ്വാകാര്യ ആശുപത്രിയില് എത്തിച്ചപ്പോഴേക്കും മരണപ്പെട്ടിരുന്നു. ബുധനാഴ്ച രാത്രിയാണു കൊലപാതകം നടന്നത്. തുടര്ന്ന് ഒളിവിലായിരുന്ന പ്രതികളെ കഴിഞ്ഞ ദിവസം പിടികൂടുകയായിരുന്നു.