കൊച്ചിയില് 16 കിലോ കഞ്ചാവുമായി രണ്ടുപേര് കസ്റ്റഡിയില്
മലപ്പുറം വളാഞ്ചേരി സ്വദേശികളായ ഫിറോസ്(24), ഷഫീഖ്(24) എന്നിവരെയാണ് എറണാകുളം നോര്ത്ത് പോലിസ് കലൂരിലെ സ്വകാര്യ ബസ് സ്റ്റാന്റ് പരിസരത്തുനിന്ന് കസ്റ്റഡിയിലെടുത്തത്
കൊച്ചി: നഗരത്തില് വില്പനയ്ക്കായി എത്തിച്ച 16 കിലോ കഞ്ചാവുമായി രണ്ട് യുവാക്കള് കസ്റ്റഡിയില്. മലപ്പുറം വളാഞ്ചേരി സ്വദേശികളായ ഫിറോസ്(24), ഷഫീഖ്(24) എന്നിവരെയാണ് എറണാകുളം നോര്ത്ത് പോലിസ് കലൂരിലെ സ്വകാര്യ ബസ് സ്റ്റാന്റ് പരിസരത്തുനിന്ന് കസ്റ്റഡിയിലെടുത്തത്. അന്തര് സംസ്ഥാന കഞ്ചാവ് കള്ളക്കടത്ത് മാഫിയകളുമായി പ്രതികള്ക്ക് ബന്ധമുണ്ടെന്ന് പോലിസ് പറഞ്ഞു. ആന്ധ്രപ്രദേശില് നിന്നെത്തിച്ച കഞ്ചാവ് കൊച്ചിയിലെ ഏജന്റുമാര്ക്ക് ചെറിയ പൊതികളായി വില്പ്പന നടത്താനായിരുന്നു പിടിയിലായ പ്രതികളുടെ പദ്ധതി. നടപടികള് പൂര്ത്തിയാക്കിയ ശേഷം പ്രതികളുടെ അറസ്റ്റ് രേഖപ്പെടുത്തുമെന്ന് പോലിസ് വ്യക്തമാക്കി.