തൃശ്ശൂര്‍: ചാലക്കുടിയില്‍ നടന്ന അവലോകന യോഗത്തില്‍ പങ്കെടുത്ത ശേഷം തൃശ്ശൂരിലേക്ക് മടങ്ങുന്നതിനിടെ തൃശ്ശൂര്‍ ജില്ലാ കലക്ടര്‍ ടി വി അനുപമയുടെ കാര്‍ അപകടത്തില്‍പ്പെട്ടു. ഇന്നു ഉച്ചയ്ക്ക് ഒരുമണിയോടെ ചാലക്കുടിയിലായിരുന്നു അപകടം. ആര്‍ക്കും പരിക്കില്ല. കലക്ടര്‍ മറ്റൊരു വാഹനത്തില്‍ യാത്ര തുടര്‍ന്നു. ചാലക്കുടി പഴയ ദേശീയ പാതയില്‍ സ്വകാര്യ വര്‍ക്ക് ഷോപ്പിനു സമീപത്തു വച്ച് എതിര്‍ദിശയില്‍ നിന്നെത്തിയ കാര്‍ അനുപമയുടെ കാറില്‍ ഇടിക്കുകയായിരുന്നു. ലോക്‌സഭാ തിരഞ്ഞെടുപ്പിന്റെ ഭാഗമായുള്ള അവലോകന യോഗമായിരുന്നു ചാലക്കുടിയില്‍ നടന്നത്.