ശബരിമല: ഭക്ഷണ സാധനങ്ങളുടെ ഗുണനിലവാരം പരിശോധിക്കും
അമിതവില ഈടാക്കുന്നവര്ക്കെതിരേ കര്ശന നടപടിയെടുക്കും. ഹോട്ടലുകളിലും കടകളിലും സംയുക്ത സ്ക്വാഡ് പരിശോധന നടത്തും.
ശബരിമല: സന്നിധാനം, നിലയ്ക്കല്, പമ്പ എന്നിവിടങ്ങളില് ഭക്ഷണസാധനങ്ങളുടെ ഗുണനിലവാരം പരിശോധിക്കുന്നതിന് ഭക്ഷ്യപൊതുവിതരണ വകുപ്പ് സ്ക്വാഡുകളെ നിയോഗിച്ചു. ഭക്ഷ്യസുരക്ഷാ വകുപ്പ് തയാറാക്കിയ ഭക്ഷണ സാധനങ്ങളുടെ വിലവിവര പട്ടിക എല്ലാ ഭക്ഷണശാലകളിലും കടകളിലും പ്രസിദ്ധപ്പെടുത്തും. അമിതവില ഈടാക്കുന്നവര്ക്കെതിരേ കര്ശന നടപടിയെടുക്കും. ഹോട്ടലുകളിലും കടകളിലും സംയുക്ത സ്ക്വാഡ് പരിശോധന നടത്തും.
ഭക്ഷണ സാധനങ്ങളുടെ അളവും വിലയും പരിശോധിക്കുന്നതിനും നിയമലംഘനം നടത്തുന്നവരെ കണ്ടെത്തുന്നതിനും ലീഗല് മെട്രോളജി വകുപ്പ് സന്നിധാനം, പമ്പ, നിലയ്ക്കല്, ളാഹ മുതല് ജില്ലയിലെ മറ്റു സ്ഥലങ്ങള് എന്നിവിടങ്ങളിലുമായി സ്ക്വാഡുകളെ നിയോഗിച്ചിട്ടുണ്ട്.