റീബില്‍ഡ് കേരള: 'ആസ്റ്റര്‍ ഹോംസ്' താക്കോല്‍ ദാനം 26ന്
ആസ്റ്റര്‍ ഡി.എം ഹെല്‍ത്ത് കെയറിന്റെ സാമൂഹിക സേവനവിഭാഗമായ ആസ്റ്റര്‍ വോളന്റിയേഴ്‌സിന്റെ നേതൃത്വത്തില്‍ പൂര്‍ത്തീകരിച്ച 255 വീടുകളുടെ താക്കോല്‍ദാനം നാളെ വൈകുന്നേരം നാലിന് മാസ്‌കറ്റ് ഹോട്ടലില്‍ വെച്ച് ഗവര്‍ണര്‍ ആരിഫ് മുഹമ്മദ് ഖാന്‍ നിര്‍വഹിക്കുമെന്ന് അധികൃതര്‍ വ്യക്തമാക്കി
കൊച്ചി : കേരള പുനര്‍നിര്‍മ്മാണ പദ്ധതിയില്‍ ആസ്റ്റര്‍ ഡി.എം ഹെല്‍ത്ത് കെയറിന്റെ സാമൂഹിക സേവനവിഭാഗമായ ആസ്റ്റര്‍ വോളന്റിയേഴ്‌സിന്റെ നേതൃത്വത്തില്‍ പൂര്‍ത്തീകരിച്ച 255 വീടുകളുടെ താക്കോല്‍ദാനം നാളെ വൈകുന്നേരം നാലിന് മാസ്‌കറ്റ് ഹോട്ടലില്‍ വെച്ച് ഗവര്‍ണര്‍ ആരിഫ് മുഹമ്മദ് ഖാന്‍ നിര്‍വഹിക്കുമെന്ന് അധികൃതര്‍ വ്യക്തമാക്കി.
മന്ത്രി പി രാജീവ്, പ്രതിപക്ഷ നേതാവ് വി ഡി സതീശന്‍, ആസ്റ്റര്‍ ഡി. എം ഹെല്‍ത്ത് കെയര്‍ ചെയര്‍മാന്‍ ആന്‍ഡ് മാനേജിങ്ങ് ഡയറക്ടര്‍ ഡോ. ആസാദ് മൂപ്പന്‍,ആസ്റ്റര്‍ ഹോസ്പിറ്റല്‍സ് കേരള, ഒമാന്‍ റീജ്യണല്‍ ഡയറക്ടര്‍ ഫര്‍ഹാന്‍ യാസിന്‍ ചടങ്ങില്‍ പങ്കെടുക്കും.
2018ലെ പ്രളയത്തില്‍ വീട് നഷ്ടമായ 255 പേര്‍ക്കാണ് ആസ്റ്റര്‍ ഹോംസിന്റെ ഈ പദ്ധതിയിലൂടെ വീട് നല്‍കുന്നത്. കൂടാതെ ആസ്റ്റര്‍ ഹോംസ് ഔദ്യോഗിക വെബ്‌സൈറ്റിന്റെ ലോഞ്ചും ചടങ്ങില്‍ വെച്ച് നടക്കും. വെബ്‌സൈറ്റില്‍ 255 ഗുണഭോക്താക്കള്‍,ആസ്റ്റര്‍ ഹോംസ് എന്ന ഈ ദൗത്യത്തില്‍ പിന്തുണച്ച വ്യക്തികള്‍, എന്‍ജിഒകള്‍, അസോസിയേഷനുകള്‍ എന്നിവരുടെ വിവരങ്ങളും ലഭ്യമാകുമെന്നും അധികൃതര്‍ വ്യക്തമാക്കി.