വടക്കൻ ജില്ലകളിൽ കർശന ജാഗ്രത പുലർത്താൻ നിർദേശം

തിരുവനന്തപുരം: പൗരത്വ നിഷേധത്തിനെതിരായ പ്രക്ഷോഭങ്ങളെ അടിച്ചമർത്താനുള്ള നീക്കത്തിനിടെ പോലിസ് വെടിവെപ്പിൽ മംഗലുരുവിൽ രണ്ടുപേർ മരണമടഞ്ഞ പശ്ചാത്തലത്തിൽ വടക്കൻ ജില്ലകളിൽ കർശന ജാഗ്രത പുലർത്താൻ സംസ്ഥാന പോലിസ് മേധാവി നിർദ്ദേശം നൽകി.

കാസർകോഡ്, കണ്ണൂർ, വയനാട്, കോഴിക്കോട് ജില്ലകളിൽ പോലിസ് ജാഗ്രത പാലിക്കണമെന്നാണ് നിർദേശം. പ്രധാന നഗരങ്ങളിൽ സുരക്ഷ ശക്തമാക്കാനും നിർദ്ദേശമുണ്ട്.

അതേസമയം, കർണാടകയിൽ കേരളത്തിലെ മാധ്യമ പ്രവർത്തകരെ കസ്റ്റഡിയിലെടുത്ത സംഭവത്തിൽ ഉന്നത ഉദ്യോഗസ്ഥരുമായി ചർച്ച നടത്തിയെന്ന് ഡിജിപി ലോക്നാഥ് ബഹ്റ. കർണാടക ഡിജിപിയുമായും സംസാരിക്കും. മാധ്യമ പ്രവർത്തകരുടെ സുരക്ഷ ഉറപ്പാക്കുമെന്നും അദ്ദേഹം പറഞ്ഞു.