കൊവിഡ് സ്ഥിരീകരിച്ച് ചികിൽസയിലിരുന്ന ഒരാൾ കൂടി മരിച്ചു

ആലപ്പുഴ: കൊവിഡ് രോഗം സ്ഥിരീകരിച്ച് ചികിൽസയിലായിരുന്ന ഹൃദ്രോഗി മരിച്ചു. ചേർത്തല പാണാവള്ളി പഞ്ചായത്ത് 11ാം വാർഡിൽ ശ്രീകണ്ഠേശ്വരം അകത്തുട്ട് വീട്ടിൽ സുധീർ (64) ആണ് മരിച്ചത്. ഹൃദയാഘാതത്തെ തുടർന്നാണ് സുധീറിനെ ആശുപത്രിയിൽ പ്രവേശിപ്പിച്ചത്.

പരിശോധനയിൽ ഇദ്ദേഹത്തിന് കൊവിഡ് രോഗം സ്ഥിരീകരിച്ചു. വണ്ടാനം മെഡിക്കൽ കോളജിലായിരുന്നു ചികിൽസയിൽ കഴിഞ്ഞത്. ഇദ്ദേഹത്തിന് രോഗം സ്ഥിരീകരിച്ചതിന് പിന്നാലെ കുടുംബാംഗങ്ങളെ മുഴുവൻ നിരീക്ഷണത്തിലാക്കിയെന്ന് പാണാവള്ളി പഞ്ചായത്ത് പ്രസിഡന്റ് ഡോ പ്രദീപ് കൂടയ്ക്കൽ അറിയിച്ചു.