കോഴിക്കോട്: കോഴിക്കോട് കമീഷണര്‍ ഓഫിസിന് സമീപം തമിഴ്‌നാട് സ്വദേശിയായ വൃദ്ധനെ വെട്ടിക്കൊലപ്പെടുത്തി. ഇന്നു വൈകീട്ട മൂന്നു മണിയോടെയാണ് സംഭവം. വെട്ടേറ്റ തമിഴ്‌നാട് സ്വദേശി കമ്മീഷണര്‍ ഓഫിസിലേക്ക് ഓടിക്കയറുകയായിരുന്നു. വെട്ടേറ്റതിനെ തുടര്‍ന്നു ഗുരുതര പരിക്കേറ്റ വൃദ്ധനെ രക്ഷിക്കാന്‍ ശ്രമിച്ചെങ്കിലും മരിച്ചു. മരിച്ചയാള്‍ തമിഴ്‌നാട് സ്വദേശിയാണെന്നു വ്യക്തമായെങ്കിലും ആക്രമണ കാരണം വ്യക്തമല്ല. സംഭവത്തില്‍ വളയം സ്വദേശി പ്രഭിന്‍ ദാസിനെ കസബ പോലിസ് കസ്റ്റഡിയിലെടുത്തിട്ടുണ്ട്. ഇദ്ദേഹം മാനസിക വെല്ലുവിളി നേരിടുന്ന വ്യക്തിയാണെന്നു സംശയിക്കുന്നതായി പോലിസ് വ്യക്തമാക്കി.