പാണ്ടിക്കാട് എആര്‍ ക്യാംപില്‍ മൂന്നുപേര്‍ക്ക് കൂടി എച്ച്1 എന്‍1
കണ്ണൂരില്‍ തിരഞ്ഞെടുപ്പ് ജോലി കഴിഞ്ഞെത്തിയവര്‍ക്കാണ് പനി ബാധിച്ചത്.
മലപ്പുറം: പാണ്ടിക്കാട് എ ആര്‍ ക്യാംപില്‍ മൂന്ന് പോലിസുകാര്‍ക്കു കൂടി എച്ച്1 എന്‍1 സ്ഥിരീകരിച്ചു. കണ്ണൂരില്‍ തിരഞ്ഞെടുപ്പ് ജോലി കഴിഞ്ഞെത്തിയവര്‍ക്കാണ് പനി ബാധിച്ചത്. ഇതോടെ എച്ച്1 എന്‍1 ബാധിച്ചവരുടെ എണ്ണം ഒമ്പതായി.
ക്യാംപിലെ നൂറോളം പേര്‍ക്ക് പനി ബാധിച്ചതിനെ തുടര്‍ന്ന് മണിപ്പാലില്‍ നടത്തിയ പരിശോധനയിലാണ് എച്ച്1 എന്‍1 ആണെന്ന് കണ്ടെത്തിയത്. 10 പേരുടെ സാംപിള്‍ പരിശോധിച്ചപ്പോഴാണ് ആറുപേരില്‍ എച്ച്1 എന്‍1 കണ്ടെത്തിയത്.