കേരള അഡ്മിനിസ്ട്രേറ്റീവ് ട്രൈബ്യൂണല് നിയമനം: ടി പി സെന്കുമാറിന്റെ ഹരജി ഹൈക്കോടതി തള്ളി
സെന്കുമാറിനെ നിയമിക്കുന്ന കാര്യത്തില് തങ്ങള്ക്ക് പരിമിതമായ അധികാരം മാത്രമാണുള്ളതെന്ന് കേന്ദ്ര സര്ക്കാര് നേരത്തെ കോടതിയെ അറിയിച്ചിരുന്നു.ഐഎസ്ആര്ഒ ഉദ്യോഗസ്ഥനായിരുന്ന നമ്പി നാരായണനെ വ്യാജ കേസില് കുടുക്കാന് ശ്രമിച്ചു എന്ന പരാതിയില് സെന്കുമാറിനെതിരെ അന്വേഷണം നടക്കുകയാണെന്ന് സംസ്ഥാന സര്ക്കാരും കോടതിയെ അറിയിച്ചിരുന്നു.
കൊച്ചി:കേരള അഡ്മിനിസ്ട്രേറ്റീവ് ട്രൈബ്യൂണല് അംഗമായി നിയമിക്കാന് തന്റെ ഫയല് സുപ്രിംകോടതി ചീഫ്ജസ്റ്റീസിന് കൈമാറാന് കേന്ദ്ര പേഴ്സണല് മന്ത്രാലയത്തിന് നിര്ദേശം നല്കണമെന്നാവശ്യപ്പെട്ട് മുന് ഡിജിപിയും ശബരിമല കര്മ സമിതി നേതാവുമായ ടി പി സെന്കുമാര് സമര്പ്പിച്ച ഹരജി ഹൈക്കോടതി തള്ളി.
സെന്കുമാറിനെ നിയമിക്കുന്ന കാര്യത്തില് തങ്ങള്ക്ക് പരിമിതമായ അധികാരം മാത്രമാണുള്ളതെന്ന് കേന്ദ്ര സര്ക്കാര് നേരത്തെ കോടതിയെ അറിയിച്ചിരുന്നു.ഐഎസ്ആര്ഒ ഉദ്യോഗസ്ഥനായിരുന്ന നമ്പി നാരായണനെ വ്യാജ കേസില് കുടുക്കാന് ശ്രമിച്ചു എന്ന പരാതിയില് സെന്കുമാറിനെതിരെ അന്വേഷണം നടക്കുകയാണെന്ന് സംസ്ഥാന സര്ക്കാരും കോടതിയെ അറിയിച്ചിരുന്നു. ഈ സാഹചര്യത്തില് ട്രൈബ്യൂണല് അംഗമായി സെന്കുമാറിനെ നിയമിക്കാനാവില്ലെന്നും സര്ക്കാര് വ്യക്തമാക്കിയിരുന്നു. തന്റെ നിയമനം തടയുന്നതിന് സംസ്ഥാന സര്ക്കാര് അനാവശ്യമായി കേസുകള് രജിസ്റ്റര് ചെയ്യുകയാണെന്ന്് സെന്കുമാര് കോടതിയില് ബോധിപ്പിച്ചു.