പോലിസിലെ ആഭ്യന്തര പരീക്ഷകള്‍ ഇനിമുതല്‍ കാമറ നിരീക്ഷണത്തില്‍

തിരുവനന്തപുരം: വകുപ്പ്തല പരീക്ഷകളില്‍ ക്രമക്കേട് നടക്കുന്നുവെന്ന ക്രൈംബ്രാഞ്ച് മേധാവിയുടെ റിപ്പോര്‍ട്ടിനെ തുടര്‍ന്ന് പോലിസിലെ ആഭ്യന്തര പരീക്ഷകള്‍ ഇനിമുതല്‍ കാമറ നിരീക്ഷണത്തിലാക്കാന്‍ നിര്‍ദേശം. പോലിസുകാര്‍ക്ക് സ്ഥാനക്കയറ്റം ലഭിക്കാനുള്ള പരീക്ഷ നടത്തുന്ന ഹാളില്‍ സിസിടിവി സ്ഥാപിക്കാന്‍ ഉത്തരവിറക്കി. ഡിജിപിയാണ് ഉത്തരവിറക്കിയത്. പോലിസ് ട്രെയിനിംഗ് കോളജിലും തൃശൂര്‍ പോലിസ് അക്കാദമിയിലും പരീക്ഷ ഹാളില്‍ സ്ഥിരമായി സിസിടിവി കാമറകള്‍ സ്ഥാപിക്കാനാണ് തീരുമാനിച്ചിരിക്കുന്നത്. മറ്റ് പരീക്ഷ ഹാളുകളില്‍ താല്‍ക്കാലിക കാമറകള്‍ സ്ഥാപിക്കും.