മുലപ്പാല് തൊണ്ടയില് കുരുങ്ങി 4 മാസം പ്രായമുള്ള കുഞ്ഞ് മരിച്ചു
തലപ്പുഴ ഗോദാവരി പണിയ കോളനിയിലെ രമേശന്- സുനിത ദമ്പതികളുടെ ഏകമകളാണു മരിച്ചത്.
കല്പ്പറ്റ: മാനന്തവാടിയില് മുലപ്പാല് തൊണ്ടയില് കുരുങ്ങി 4 മാസം പ്രായമുള്ള പെണ്കുഞ്ഞ് മരിച്ചു. തലപ്പുഴ ഗോദാവരി പണിയ കോളനിയിലെ രമേശന്- സുനിത ദമ്പതികളുടെ ഏകമകളാണു മരിച്ചത്. തിങ്കളാഴ്ച രാവിലെ കുഞ്ഞിനു മുലപ്പാല് കൊടുക്കുന്നതിനിടെ പാല് തൊണ്ടയില് കുടുങ്ങുകയായിരുന്നു. ശ്വാസതടസ്സം അനുഭവപ്പെട്ട കുഞ്ഞിനെ മാനന്തവാടി ജില്ലാ ആശുപത്രിയിലേക്ക് കൊണ്ടുപോയെങ്കിലും യാത്രാമധ്യേ മരിച്ചു.