ശബരിമല: സുപ്രീം കോടതി ഉത്തരവ് ലംഘിക്കാന്‍ സര്‍ക്കാരിനാവില്ലെന്ന് മന്ത്രി ഇപി ജയരാജന്‍
ശബരിമല വിഷയത്തില്‍ കോടതി വിധി പരിശോധിച്ചാണ് സര്‍ക്കാര്‍ നിലപാടെടുത്തത്. സുപ്രീം കോടതി ഉത്തരവ് ലംഘിക്കാന്‍ സര്‍ക്കാരിനാവില്ല.ചെയ്യാന്‍ പാടുള്ള കാര്യങ്ങള്‍ മാത്രമേ സര്‍ക്കാര്‍ ചെയ്തിട്ടുള്ളവെന്നും അദ്ദേഹം കൂട്ടിച്ചേര്‍ത്തു.
കോഴിക്കോട്: സര്‍ക്കാരിനെ സംബന്ധിച്ചിടത്തോളം ശബരിമല വിശ്വാസപരമായ വിഷയമല്ല മറിച്ച് നിയമപരമായ വിഷയമാണെന്ന് മന്ത്രി ഇ പി ജയരാജന്‍ കോഴിക്കോട്ട് പറഞ്ഞു. ശബരിമല വിഷയത്തില്‍ സര്‍ക്കാരിന്റെ നിലപാട് ശരിയായിരുന്നു. കോടതി വിധി പരിശോധിച്ചാണ് സര്‍ക്കാര്‍ നിലപാടെടുത്തത്. സുപ്രീം കോടതി ഉത്തരവ് ലംഘിക്കാന്‍ സര്‍ക്കാരിനാവില്ല. ശബരിമല വിഷയത്തില്‍ ചെയ്യാന്‍ പാടുള്ള കാര്യങ്ങള്‍ മാത്രമേ സര്‍ക്കാര്‍ ചെയ്തിട്ടുള്ളവെന്നും അദ്ദേഹം കൂട്ടിച്ചേര്‍ത്തു.
കോണ്‍ഗ്രസിന്റെ പ്രസക്തി നഷ്ടമായിരിക്കുകയാണ്. അവര്‍ പ്രധാനമന്ത്രി നരേന്ദ്ര മോദിയെ പ്രശംസിച്ച് നടക്കുകയാണ്. ഐഎന്‍എക്‌സ് മീഡിയ അഴിമതിക്കേസില്‍ മുന്‍ ധനമന്ത്രിയും കോണ്‍ഗ്രസ് നേതാവുമായ പി ചിദംബരത്തിന്റെ വിഷയത്തില്‍ കോണ്‍ഗ്രസിന് പ്രതികരിക്കാനായില്ലെന്നും ഇ പി ജയരാജന്‍ പറഞ്ഞു.