ഡിജിപിയുടെ ഓണ്ലൈന് അദാലത്ത് ജനുവരി 15ന്; പരിഗണിക്കുന്നത് കോഴിക്കോട് ജില്ലയിലെ പരാതികള്
തിരുവനന്തപുരം: ജനുവരി 15ന് നടക്കുന്ന സംസ്ഥാന പോലിസ് മേധാവിയുടെ അടുത്ത ഓണ്ലൈന് പരാതിപരിഹാര പരിപാടിയില് കോഴിക്കോട് സിറ്റി, റൂറല് ജില്ലകളിലെ പോലിസ് ഉദ്യോഗസ്ഥരുടെ പരാതികള് പരിഗണിക്കും. പരാതികള് spctalks.pol@kerala.gov.in എന്ന വിലാസത്തില് ജനുവരി 11ന് മുമ്പ് ലഭിക്കണം. പരാതിയില് മൊബൈല് നമ്പര് ഉള്പ്പെടുത്തണം. ഹെല്പ്പ് ലൈന് നമ്പര്: 9497900243.
SPC talks with cops എന്ന് നാമകരണം ചെയ്തിരിക്കുന്ന പരിപാടിയില് സര്വീസില് ഉള്ളതും വിരമിച്ചതുമായ പോലിസ് ഉദ്യോഗസ്ഥരുടെ സര്വീസ് സംബന്ധവും വ്യക്തിപരവുമായ പരാതികളാണ് പരിഗണിക്കുന്നത്. ഇവ നേരിട്ട് സംസ്ഥാന പോലിസ് മേധാവിയുടെ ശ്രദ്ധയില്പ്പെടുത്തി പരിഹാരം കാണാം. പോലിസ് ഉദ്യോഗസ്ഥര്ക്ക് മേലധികാരി മുഖേന അല്ലാതെ നേരിട്ടുതന്നെ പരാതി നല്കാമെന്നതാണ് ഇതിന്റെ പ്രത്യേകത. പോലിസ് ഉദ്യോഗസ്ഥരുടെ ജീവിതപങ്കാളിക്കും പരാതി നല്കാം.