കൊവിഡ്: ആലപ്പുഴ ജില്ലയില്‍ മല്‍സ്യബന്ധന നിരോധനം ജൂലൈ 22 വരെ നീട്ടി
ജില്ലയിലെ മല്‍സ്യത്തൊഴിലാളികള്‍ക്കും മത്സ്യസംസ്‌കരണമേഖലയിലെ തൊഴിലാളികള്‍ക്കും കൊവിഡ് രോഗബാധ സ്ഥിരീകരിച്ചതിനെതുടര്‍ന്ന് മല്‍സ്യബന്ധനവും വിപണനവും ജൂലൈ 16 വരെ നേരത്തെ നിരോധിച്ചിരുന്നു
ആലപ്പുഴ: ആലപ്പുഴ ജില്ലയിലെ മുഴുവന്‍ കടല്‍തീരപ്രദേശങ്ങളിലെ മല്‍സ്യബന്ധനത്തിനും വിപണനത്തിനുമുള്ള നിരോധനം ജൂലൈ 22 രാത്രി 12 വരെ ദീര്‍ഘിപ്പിച്ച് ജില്ലാ കലക്ടര്‍ ഉത്തരവായി. ജില്ലയിലെ മല്‍സ്യത്തൊഴിലാളികള്‍ക്കും മത്സ്യസംസ്‌കരണമേഖലയിലെ തൊഴിലാളികള്‍ക്കും കൊവിഡ് രോഗബാധ സ്ഥിരീകരിച്ചതിനെതുടര്‍ന്ന് മല്‍സ്യബന്ധനവും വിപണനവും ജൂലൈ 16 വരെ നേരത്തെ നിരോധിച്ചിരുന്നു. തീരപ്രദേശത്തെ രോഗവ്യാപനനിയന്ത്രണത്തിന് ജൂലൈ 22 വരെ നിരോധനം ദീര്‍ഘിപ്പിക്കേണ്ടത് ആവശ്യമാണെന്ന് ജില്ലാ ദുരന്തനിവാരണ അതോറിറ്റിയുടെ യോഗതീരുമാനത്തെത്തുടര്‍ന്നാണ് ഇപ്പോഴത്തെ ഉത്തരവ്.