പൊന്നാനിയില് ബാര്ബര് തൊഴിലാളിക്ക് കൊറോണയെന്ന് വ്യാജപ്രചാരണം; നടപടിയുമായി ആരോഗ്യവകുപ്പ്
യുവാവിന് കൊറോണ ബാധിച്ചുവെന്ന വ്യാജസന്ദേശം നാട്ടിലെങ്ങും പ്രചരിച്ചതോടെ ഈ കടയില്നിന്നും മുടിവെട്ടിയവര് ആകെ പരിഭ്രാന്തിയിലായി.
മലപ്പുറം: പൊന്നാനിക്കുസമീപം മാറഞ്ചേരി പഞ്ചായത്തിലെ അവിണ്ടിത്തറയില് ബാര്ബര്ഷാപ്പ് നടത്തുന്ന യുവാവിന് കൊറോണ ബാധിച്ചുവെന്ന് വ്യാജസന്ദേശം പ്രചരിച്ചു. ഇതിനെതിരേ ഇയാള് പെരുമ്പടപ്പ് പോലിസില് പരാതി നല്കിയെങ്കിലും നടപടിയുണ്ടായില്ല. തുടര്ന്നാണ് ആരോഗ്യവകുപ്പ് അധികൃതര്ക്ക് പരാതി നല്കിയത്.
യുവാവിന് കൊറോണ ബാധിച്ചുവെന്ന വ്യാജസന്ദേശം നാട്ടിലെങ്ങും പ്രചരിച്ചതോടെ ഈ കടയില്നിന്നും മുടിവെട്ടിയവര് ആകെ പരിഭ്രാന്തിയിലായി. ഇപ്പോള് യുവാവിന്റെ കടയില് ആരും കയറാത്ത സ്ഥിതിയാണ്. ആരോഗ്യവകുപ്പിന്റെ പരാതിയില് ശക്തമായ നടപടിക്കൊരുങ്ങുകയാണ് പോലിസ്.