കോണ്‍ഗ്രസ് ഓഫിസ് ആക്രമണം: കലാപമുണ്ടാക്കാനുള്ള ശ്രമമെന്ന് എസ് ഡിപിഐ
കഴിഞ്ഞ ദിവസം ചാവക്കാട് നടന്ന കൊലപാതകത്തില്‍ പ്രതിഷേധിച്ച് നടത്തിയ പ്രകടനത്തിനിടെ എസ്ഡിപിഐ ഓഫിസിനു നേരെ ആക്രമണം നടത്തിയ യൂത്ത് കോണ്‍ഗ്രസ് പ്രവര്‍ത്തകരെ അറസ്റ്റ് ചെയ്യാത്തത് പ്രതിഷേധാര്‍ഹമാണെന്നും പ്രസ്താവനയില്‍ വ്യക്തമാക്കി
കോഴിക്കോട്: പേരാമ്പ്രയിലെ കോണ്‍ഗ്രസ് ഓഫിസ് തകര്‍ത്തതിനു പിന്നില്‍ പ്രദേശത്ത് കലാപമുണ്ടാക്കാനുള്ള ഗൂഢശ്രമമാണെന്ന് എസ്ഡിപിഐ കോഴിക്കോട് ജില്ലാ സെക്രട്ടേറിയറ്റ് അഭിപ്രായപ്പെട്ടു. ആക്രമണത്തെ പാര്‍ട്ടിയുമായി ബന്ധപ്പെടുത്താനുള്ള നീക്കം തള്ളിക്കളയണം. സംഭവത്തില്‍ ശക്തമായി അപലപിക്കുന്നു. സമഗ്രമായ അന്വേഷണം നടത്തി അക്രമികളെ നിയമത്തിനു മുന്നില്‍ കൊണ്ടുവരണമെന്നും സെക്രട്ടേറിയറ്റ് ആവശ്യപ്പെട്ടു. കഴിഞ്ഞ ദിവസം ചാവക്കാട് നടന്ന കൊലപാതകത്തില്‍ പ്രതിഷേധിച്ച് നടത്തിയ പ്രകടനത്തിനിടെ എസ്ഡിപിഐ ഓഫിസിനു നേരെ ആക്രമണം നടത്തിയ യൂത്ത് കോണ്‍ഗ്രസ് പ്രവര്‍ത്തകരെ അറസ്റ്റ് ചെയ്യാത്തത് പ്രതിഷേധാര്‍ഹമാണെന്നും പ്രസ്താവനയില്‍ വ്യക്തമാക്കി. മുസ്തഫ പാലേരി അധ്യക്ഷത വഹിച്ചു. സലീം കാരാടി, എം എ സലീം, എന്‍ കെ റഷീദ് ഉമരി, ജലീല്‍ സഖാഫി, വാഹിദ് ചെറുവറ്റ സംസാരിച്ചു.