പെരിന്തല്‍മണ്ണ: ജില്ലയില്‍ തദ്ദേശ സ്ഥാപനങ്ങളിലേക്ക് നടത്തിയ ഉപതിരഞ്ഞെടുപ്പില്‍ മികച്ച പോളിങ്. അഞ്ചിടങ്ങളിലായിരുന്നു ഇന്നലെ ഉപതിരഞ്ഞെടുപ്പ് നടന്നത്. ഊര്‍ങ്ങാട്ടിരി പഞ്ചായത്തിലെ 18ാം വാര്‍ഡ് കളപ്പാറയിലാണ് കൂടുതല്‍ പോളിങ് നടന്നത്. 86.8 ശതമാനമാണ് ഇവിടുത്തെ പോളിങ് നിരക്ക്.
പരപ്പനങ്ങാടി നഗരസഭയിലെ ഏഴാം വാര്‍ഡ് കീഴ്ച്ചിറ 86.7, ആനക്കയം പഞ്ചായത്ത് 10ാം വാര്‍ഡ് നരിയാട്ടുപാറ 71.7, ആലിപ്പറമ്പ് പഞ്ചായത്ത് എട്ടാം വാര്‍ഡ് വട്ടപ്പറമ്പ് 74.2, മംഗലം പഞ്ചായത്ത് 16ാം വാര്‍ഡ് കൂട്ടായി ടൗണ്‍ 76.6 എന്നിങ്ങനെയാണ് മറ്റിടങ്ങളിലെ പോളിങ് ശതമാനം. വോട്ടെണ്ണല്‍ നാളെ നടക്കും.