ശബരിമല വിഷയം ശരിയായി ജനങ്ങളിൽ എത്തിക്കാൻ എൽഡിഎഫിന് സാധിച്ചില്ല: എ വിജയരാഘവൻ

തിരുവനന്തപുരം: ലോക്സഭാ തിരഞ്ഞെടുപ്പിൽ എൽഡിഎഫിനേറ്റ ദയനീയ തോൽവിയുടെ കാരണം ശബരിമല വിഷയം മാത്രമാണെന്ന് പറയാനാവില്ലെന്ന് എല്‍ഡിഎഫ് കണ്‍വീനര്‍ എ വിജയരാഘവൻ. തിരുവനന്തപുരം പ്രസ് ക്ലബിൽ മാധ്യമങ്ങളോട് സംസാരിക്കുകയായിരുന്നു അദ്ദേഹം. എന്നാൽ, ശബരിമല വിഷയം ശരിയായി ജനങ്ങളിൽ എത്തിക്കാൻ ഇടത്പക്ഷത്തിന് സാധിച്ചില്ലെന്നത് വസ്തുതയാണെന്നും അദ്ദേഹം ചൂണ്ടിക്കാട്ടി. 

ലോക്സഭാ തിരഞ്ഞെടുപ്പില്‍ ഇടത് പക്ഷത്തിനേറ്റ കനത്ത തിരിച്ചടിയുടെ കാരണമെന്തെന്ന് പഠിക്കും. ശബരിമലയിലെ വിശ്വാസ സംരക്ഷണത്തിന് നിയമം കൊണ്ടുവരുമെന്ന യുഡിഫ് പ്രഖ്യാപനത്തിന് എത്രത്തോളം വിശ്വാസ്യത ഉണ്ടെന്ന് പറയാൻ കഴിയില്ലെന്നും എ വിജയരാഘവൻ പറഞ്ഞു.

മുഖ്യമന്ത്രിയുടെ ശൈലി മാധ്യമ സൃഷ്ടിയാണ്. അതിന് വസ്തുതയുടെ പിൻബലമില്ല. രമ്യ ഹരിദാസിനെതിരായ പരാമർശം തിരഞ്ഞെടുപ്പ് ഫലത്തെ സ്വാധീനിച്ചിട്ടില്ലെന്ന് അദ്ദേഹം ആവര്‍ത്തിച്ചു.