നരേന്ദ്ര മോദി വാരാണസിയില് തന്നെ മല്സരിച്ചേക്കും; എതിരാളി പ്രിയങ്കഗാന്ധി...?
വാരാണസി മണ്ഡലത്തില് നരേന്ദ്ര മോദിയുടെയും പ്രിയങ്കാ ഗാന്ധിയുടെയും പോസ്റ്ററുകളും പ്രത്യക്ഷപ്പെട്ടു
ന്യുഡല്ഹി: വരുന്ന ലോക്സഭാ തിരഞ്ഞെടുപ്പില് പ്രധാനമന്ത്രി നരേന്ദ്രമോദി വീണ്ടും വാരാണസിയില് മല്സരിക്കുമെന്ന് ബിജെപി വ്യക്തമാക്കി. പ്രിയങ്ക ഗാന്ധിയുടെ രാഷ്ട്രീയപ്രവേശനം കോണ്ഗ്രസ് ഔദ്യോഗികമായി പ്രഖ്യാപിച്ച ശേഷമാണ് മോദി വാരാണസിയില് നിന്നു തന്നെ മല്സരിക്കുമെന്ന വാര്ത്ത പുറത്തുവന്നത്. അതേസമയം, തിരഞ്ഞെടുപ്പ് അടുത്തെത്തിയില്ലെങ്കിലും വാരാണസി മണ്ഡലത്തില് നരേന്ദ്ര മോദിയുടെയും പ്രിയങ്കാ ഗാന്ധിയുടെയും പോസ്റ്ററുകളും പ്രത്യക്ഷപ്പെട്ടു. 2014 ലോക്സഭാ തിരഞ്ഞെടുപ്പില് ഉത്തര്പ്രദേശിലെ വാരാണസിയില് നിന്നും ഗുജറാത്തിലെ വഡോദരയില് നിന്നും മോദി മത്സരിച്ചിരുന്നു. പിന്നീട് വാരാണസിയില് എംപിയായി തുടരുകയും വഡോദര എംപി സ്ഥാനം ഒഴിയുകയും ചെയ്തു.