മുകുള്‍ റോയിയുമായി കൂടിക്കാഴ്ച: എംഎല്‍എക്കെതിരേ നടപടിക്കു മമതയുടെ നിര്‍ദേശം
കൊല്‍ക്കത്ത: ബിജെപി നേതാവ് മുകുള്‍ റോയിയുമായി കൂടിക്കാഴ്ച നടത്തിയ തൃണമൂല്‍ കോണ്‍ഗ്രസ് എംഎല്‍എ സബ്യസാചി ദത്തക്കെതിരേ നടപടി എടുക്കാന്‍ മമതാ ബാനര്‍ജിയുടെ നിര്‍ദേശം. ദത്തക്കെതിരായ അച്ചടക്ക നടപടി സ്വീകരിക്കാന്‍ കൊല്‍ക്കത്ത മേയര്‍ ഫിര്‍ഹാദ് ഹക്കിമിനോടാണ് മമത നിര്‍ദേശിച്ചത്. ദത്തക്കെതിരായ നടപടി ചര്‍ച്ച ചെയ്യുന്നതിന് പാര്‍ട്ടിയുടെ എല്ലാ എംഎല്‍എമാരുടെയും യോഗം വിളിക്കണമെന്ന് ഫിര്‍ഹാദ് ഹക്കിമിനോട് മമത ആവശ്യപ്പെട്ടിട്ടുണ്ട്. ലോക്‌സഭാ തിരഞ്ഞെടുപ്പിന് മുമ്പായി സബ്യസാചി ദത്ത ബിജെപിയില്‍ ചേരുമെന്ന അഭ്യൂഹം നേരത്തെ ഉണ്ടായിരുന്നു.