ലഖ്‌നോ: 30 വര്‍ഷത്തിനു ശേഷം ഇറാഖിലേക്കുള്ള വിമാന സര്‍വീസ് ഇന്ത്യ പുനരാരംഭിച്ചു. ലഖ്‌നോയില്‍ നിന്നും ഇറാഖിലെ നജാഫിലേക്കു ഷിയ തീര്‍ത്ഥാടകരെ കൊണ്ടാണു എയര്‍ഇന്ത്യ വിമാനം പറന്നിറങ്ങിയത്. വര്‍ഷങ്ങള്‍ക്കു മുന്നെ നിലച്ചു പോയ സര്‍വീസ് പുനരാരംഭിക്കാന്‍ സാധിച്ചതില്‍ സന്തോഷമുണ്ടെന്നു ഇറാഖിലെ ഇന്ത്യാന്‍ അംബാസിഡര്‍ പ്രദീപ് രാജ്പുരോഹിത് പറഞ്ഞു. നജാഫിലെത്തിയ തീര്‍ത്ഥാടകര്‍ക്കു ഇറാഖ് ഉദ്യോഗസ്ഥന്‍മാരുടെ നേതൃത്ത്വത്തില്‍ സ്വീകരണമേര്‍പെടുത്തിയിരുന്നു.