ശ്രീനഗര്‍: ജമ്മുകശ്മീരിലെ ഷോപിയാനിലുണ്ടായ ഏറ്റുമുട്ടലില്‍ ഹിസ്ബ് പ്രവര്‍ത്തകന്‍ കൊല്ലപ്പെട്ടതായി സുരക്ഷാ സേന അറിയിച്ചു. മേഖലയിലടക്കം നിരവധി സ്‌ഫോടനങ്ങളും ആക്രമണങ്ങലും നടത്തിയ സമീര്‍ സേ എന്ന സായുധ പ്രവര്‍ത്തകനാണ് കൊല്ലപ്പെട്ടതെന്നു സൈനിക വൃത്തങ്ങള്‍ അറിയിച്ചു.
മേഖലയില്‍ സായുധ പ്രവര്‍ത്തകര്‍ ഒളിച്ചിരിക്കുന്നുണ്ടെന്ന വിവരം ലഭിച്ചതിനെ തുടര്‍ന്ന് വെള്ളിയാഴ്ച രാവിലെയാണ് തിരച്ചില്‍ ആരംഭിച്ചത്. ഇതിനിടെ ബാത്‌പോര്‍- നര്‍വാനി മേഖലയില്‍ വച്ചാണ് ഏറ്റുമുണ്ടലുണ്ടായത്. തിരച്ചില്‍ നടത്തുകയായിരുന്ന സുരക്ഷാ സേനക്കു നേരേ ആക്രമണമുണ്ടാവുകയും തിരിച്ചടിയില്‍ ഹിസ്ബ് പ്രവര്‍ത്തകന്‍ കൊല്ലപ്പെടുകയുമായിരുന്നു. മേഖലയില്‍ നിന്നും നിരവധി ആയുധങ്ങളും പിടിച്ചെടുത്തതായും സേനാ വൃത്തങ്ങള്‍ അറിയിച്ചു.