നാഗ്പൂരില് ആശുപത്രി കെട്ടിടത്തില് തീപിടിത്തം; ഏഴുപേര്ക്ക് പരിക്ക്
രണ്ടുപേരുടെ നില ഗുരുതരം.
നാഗ്പൂര്: നിര്മാണം നടന്നുകൊണ്ടിരിക്കുന്ന ആശുപത്രി കെട്ടിടത്തിലുണ്ടായ തീപിടിത്തത്തില് ഏഴുപേര്ക്ക് പരിക്കേറ്റു. രണ്ടുപേരുടെ നില ഗുരുതരം. നാഗ്പൂര് കിങ്സ് വേ റോഡിലെ ആശുപത്രി കെട്ടിടത്തിനാണ് തീപിടിച്ചത്. വന്തോതില് പുകയുയരുന്നതു ശ്രദ്ധയില്പെട്ട പരിസരവാസികളാണ് ഫയര്ഫോഴ്സില് വിവരമറിയിച്ചത്. വിവരമറിഞ്ഞ് 10 യൂനിറ്റ് ഫയര് എന്ജിനുകള് സ്ഥലത്തെത്തി തീ നിയന്ത്രണവിധേയമാക്കി. കെട്ടിടത്തിലെ അടിപ്പാതയില് നിര്മാണം നടന്നുകൊണ്ടിരിക്കുകയാണ്. പരിശോധനകള് തുടരുകയാണെന്ന് ഫയര് ഓഫിസര് സുനില് റൗട് പറഞ്ഞു. ഷോര്ട്ട് സര്ക്യൂട്ടാണ് അപകടകാരണമെന്നാണു സൂചന.