അധ്യക്ഷ സ്ഥാനം: രാഹുലുമായി കോണ്‍ഗ്രസ് മുഖ്യമന്ത്രിമാരുടെ കൂടിക്കാഴ്ച ഇന്ന്
ന്യൂഡല്‍ഹി: കോണ്‍ഗ്രസ് അധ്യക്ഷസ്ഥാനത്തു നിന്നും മാറരുതെന്നാവശ്യപ്പെട്ട് കോണ്‍ഗ്രസ് മുഖ്യമന്ത്രിമാര്‍ ഇന്നു രാഹുലിനെ കാണും. കമല്‍നാഥ്, വി നാരായണ സ്വാമി, അമരീന്ദര്‍ സിങ്, അശോക് ഗെഹ്‌ലോട്ട് തുടങ്ങിയവരാണ് കൂടിക്കാഴ്ചയില്‍ പങ്കെടുക്കുക. കര്‍ണാടക ഉപമുഖ്യമന്ത്രി ജി പരമേശ്വരയും കൂടിക്കാഴ്ചയില്‍ പങ്കെടുക്കും.
അധ്യക്ഷ സ്ഥാനത്തു നിന്ന് മാറുമെന്ന തീരുമാനത്തില്‍ ഉറച്ച് നില്‍ക്കുന്ന രാഹുല്‍ ഗാന്ധിയെ അനനയിപ്പിക്കാനും രാജി തീരുമാനം പിന്‍വലിപ്പിക്കാനുമായിരിക്കും മുഖ്യമന്ത്രിമാരുടെ ശ്രമം. തോല്‍വിയില്‍ തങ്ങള്‍ക്കും കൂട്ടുത്തരവാദിത്തം ഉണ്ടെന്ന് വ്യക്തമാക്കി ഗോവ പിസിസി അധ്യക്ഷന്‍ ഗിരീഷ് ചോദന്‍കര്‍, നാനപടോലെ തുടങ്ങിയവര്‍ കഴിഞ്ഞ ദിവസം രാജിവച്ചിരുന്നു. ഇതിന് പിന്നാലെയാണ് കോണ്‍ഗ്രസ് മുഖ്യമന്ത്രിമാര്‍ രാഹുലിനെ കാണാനെത്തുന്നത്.