നടിയെ ആക്രമിച്ച കേസ്: സത്യവാങ്മൂലത്തിന് മറുപടി നല്കാന് ഒരാഴ്ച സമയം വേണമെന്ന് ദിലീപ്
നടിയെ ആക്രമിക്കുന്ന ദൃശ്യങ്ങളടങ്ങിയ മെമ്മറി കാര്ഡിന്റെ പകര്പ്പ് വേണമെന്നാവശ്യപ്പെട്ട് ദിലീപ് സുപ്രിംകോടതിയില് ഹരജി നല്കിയിരുന്നു. എന്നാല്, സ്വകാര്യത എന്നത് ഇരയുടെ മൗലികാവകാശമായതിനാല് ദൃശ്യങ്ങള് കൈമാറാനാവില്ലെന്നും ദിലീപ് ഇത് യുവതിയെ അപമാനിക്കാന് ഉപയോഗിച്ചേക്കാമെന്നും സംസ്ഥാന സര്ക്കാര് സുപ്രിംകോടതിയില് സത്യവാങ്മൂലം നല്കി.
ന്യൂഡല്ഹി: നടിയെ ആക്രമിച്ച കേസില് സംസ്ഥാന സര്ക്കാരിന്റെ സത്യവാങ്മൂലത്തിന് മറുപടി നല്കാന് ഒരാഴ്ച സമയം വേണമെന്ന് ദിലീപ്. നടിയെ ആക്രമിക്കുന്ന ദൃശ്യങ്ങളടങ്ങിയ മെമ്മറി കാര്ഡിന്റെ പകര്പ്പ് വേണമെന്നാവശ്യപ്പെട്ട് ദിലീപ് സുപ്രിംകോടതിയില് ഹരജി നല്കിയിരുന്നു.
എന്നാല്, സ്വകാര്യത എന്നത് ഇരയുടെ മൗലികാവകാശമായതിനാല് ദൃശ്യങ്ങള് കൈമാറാനാവില്ലെന്നും ദിലീപ് ഇത് യുവതിയെ അപമാനിക്കാന് ഉപയോഗിച്ചേക്കാമെന്നും സംസ്ഥാന സര്ക്കാര് സുപ്രിംകോടതിയില് സത്യവാങ്മൂലം നല്കി. ഇതിന് മറുപടി നല്കാനാണ് ദിലീപ് ഒരാഴ്ചത്തെ സമയം ആവശ്യപ്പെട്ടത്.
നാളെ പരിഗണിക്കാനിരിക്കുന്ന കേസ് ഒരാഴ്ചത്തേക്ക് മാറ്റിവയ്ക്കണമെന്നവശ്യപ്പെട്ടാണ് ദിലീപ് സുപ്രിംകോടതിയില് അപേക്ഷ നല്കിയത്. കേസില് ദിലീപിന് വേണ്ടി ഹാജരാവുന്ന മുകുള് റോത്തഗിയ്ക്കും നാളെ ഹാജരാവാന് അസൗകര്യമുണ്ടെന്നു അപേക്ഷയില് പറയുന്നു. ദിലീപിന്റെ അപേക്ഷ നാളെ ജസ്റ്റിസ് എ എന് ഖാന്വില്ക്കര് അധ്യക്ഷനായ ബെഞ്ച് പരിഗണിക്കും.