ഇതെന്താ പിസ്സ ഡെലിവറിയോ; തിരക്കിട്ട് ബില്ലുകള്‍ പാസാക്കുന്നതിനെതിരേ തൃണമൂല്‍ എംപി
ബിജെപി സര്‍ക്കാരിന്റെ കാലത്തും മുന്‍ സര്‍ക്കാരുകളുടെ കാലത്തും സൂക്ഷമപരിശോധനയും ചര്‍ച്ചകളും നടത്തി പാസ്സാക്കിയ ബില്ലുകളുടെ ശതമാനക്കണക്കുകളുള്ള ചിത്രത്തോടൊപ്പമാണ് ഡെറിക് ഒബ്രിയാന്റെ ട്വീറ്റ്
ന്യൂഡല്‍ഹി: സൂക്ഷമപരിശോധനയും ചര്‍ച്ചകളും നടത്താതെ സര്‍ക്കാര്‍ രാജ്യസഭയില്‍ തിരക്കിട്ടു ബില്ലുകള്‍ പാസാക്കുന്നതിനെതിരേ തൃണമൂല്‍ എംപി ഡെറിക് ഒബ്രിയാന്‍. ട്വിറ്ററിലൂടെയാണ് ഡെറിക് ഒബ്രിയാന്‍ സര്‍ക്കാരിനെതിരേ പരിഹാസവുമായി രംഗത്തെത്തിയത്.
ബിജെപി സര്‍ക്കാരിന്റെ കാലത്തും മുന്‍ സര്‍ക്കാരുകളുടെ കാലത്തും സൂക്ഷമപരിശോധനയും ചര്‍ച്ചകളും നടത്തി പാസ്സാക്കിയ ബില്ലുകളുടെ ശതമാനക്കണക്കുകളുള്ള ചിത്രത്തോടൊപ്പമാണ് ഡെറിക് ഒബ്രിയാന്റെ ട്വീറ്റ്.
ബില്ലുകള്‍ പാര്‍ലമെന്റ് സൂക്ഷാവലോകനം ചെയ്യണം.
കാര്യങ്ങള്‍ എങ്ങനെയാണ് അട്ടിമറിക്കപ്പെടുന്നതെന്നു ഈ ചാര്‍ട്ട് കാണിച്ചു തരും. ഇവിടെ നിയമം പാസാക്കുകയാണോ, അതോ പിസ്സ ഡെലിവറി ചെയ്യുകയാണോ- ഡെറിക് ഒബ്രിയാന്‍ ട്വീറ്റ് ചെയ്തു.
#Parliament is supposed to scrutinize Bills. This chart explains the bulldozing this Session. Are we delivering pizzas or passing legislation? #ConstructiveOpposition pic.twitter.com/DKPDygpoV5
— Derek O'Brien | ডেরেক ও'ব্রায়েন (@derekobrienmp) July 31, 2019