വാഹന പരിശോധനക്കിടെ പോലിസ് ഉദ്യോഗസ്ഥന്റെ മുഖത്തടിച്ചു; യുവാവ് അറസ്റ്റില്
കാഞ്ഞങ്ങാട്: വാഹന പരിശോധനക്കിടെ പോലിസ് ഉദ്യോഗസ്ഥന്റെ മുഖത്തടിച്ച യുവാവ് അറസ്റ്റില്. നീലേശ്വരം സ്റ്റേഷനിലെ സീനിയര് സിവില് പോലിസ് ഓഫിസര് കെ പി അജിത്തിനെയാണ് (40) മടിക്കൈ ബങ്കളം സ്വദേശി പി ബിനീഷ് കുമാര്(34) മുഖത്തടിച്ചത്. നീലേശ്വരം തെരുവത്ത് ശ്രീവല്സം ഓഡിറ്റോറിയത്തിന് സമീപത്തായിരുന്നു സംഭവം.
ഡ്രൈവിങ്ങ് ലൈസന്സ് ഇല്ലാതെയും ഹെല്മറ്റ് ധരിക്കാത്തതിനെയും തുടര്ന്ന് സ്കൂട്ടര് പോലിസ് കസ്റ്റഡിയിലെടുക്കാന് ശ്രമിക്കുമ്പോഴാണ് സംഭവം. സ്കൂട്ടറിന്റെ താക്കോല് വാങ്ങാനുള്ള ശ്രമത്തിനിടെയാണ് ബിനീഷ് അജിത്തിന്റെ മുഖത്തടിച്ചത്. ഔദ്യോഗിക കൃത്യനിര്വഹണം തടഞ്ഞതിനും ലൈസന്സും ഹെല്മെറ്റും ഇല്ലാതെ വാഹനം ഓടിച്ചതിനും എസ്ഐ ജി ജിഷ്ണുവിന്റെ പരാതിയില് പോലിസ് കേസെടുത്തു. പരിക്കേറ്റ സിവില് പോലിസ് ഓഫിസര് താലൂക്ക് ആശുപത്രിയില് ചികില്സയിലാണ്.