കൊയിലാണ്ടി: ദേശീയപാതയില്‍ കൊയിലാണ്ടിയില്‍ നിര്‍ത്തിയിട്ട ലോറിയില്‍ കാറിടിച്ച് യുവാവ് മരിച്ചു. ഒരാള്‍ ക്കു പരിക്ക്. കാസര്‍കോഡ് ബന്ദിയോട് താഹിറാ മന്‍സില്‍ അബൂബക്കര്‍-സീനത്ത് ദമ്പതികളുടെ മകന്‍ ഫാസില്‍(27) ആണ് മരിച്ചത്. സഹയാത്രികനായ ദുല്‍ഫാന്‍ മാലികി(27)നെ മെഡിക്കല്‍ കോളജില്‍ പ്രവേശിപ്പിച്ചു. തിങ്കളാഴ്ച പുലര്‍ച്ച രണ്ടോടെയാണ് അപകടം. കോഴിക്കോട് ഭാഗത്തുനിന്ന് കാസര്‍കോഡ് ഭാഗത്തേത്ത് പോവുകയായിരുന്ന കാറാണ് അപകടത്തില്‍ പെട്ടത്. അല്‍ഫാസ്, തംസില്‍ എന്നിവരാണ് മരിച്ച ഫാസിലിന്റെ സഹോദരങ്ങള്‍.