പാലക്കാട്: അട്ടപ്പാടിയിലേക്ക് അനധികൃതമായി വന്തോതില് സ്ഫോടകവസ്തുക്കള് കടത്താന് ശ്രമിച്ച കേസില് മുഖ്യപ്രതി പോലിസിന്റെ പിടിയില്. അരപ്പാറ സ്വദേശിയായ നാസറിനെയാണ് മണ്ണാര്ക്കാട് പോലിസ് അറസ്റ്റ് ചെയ്തത്.
ചൊവ്വാഴ്ച ആനമൂളി ചെക്ക്പോസ്റ്റിന് സമീപം സ്ഫോടകവസ്തുക്കള് ഓട്ടോറിക്ഷയില് കടത്തുകയായിരുന്ന പ്രതിയെ പോലിസ് പിടികൂടുകയായിരുന്നു. ഓട്ടോറിക്ഷ ഓടിച്ച തച്ചമ്പാറ സ്വദേശിയെ നേരത്തെ തന്നെ പോലിസ് കസ്റ്റഡിയിലെടുത്തിരുന്നു. ഇയാളുടെ മൊഴിയുടെ അടിസ്ഥാനത്തിലാണ് നാസറിനെ പോലിസ് പിടികൂടിയത്. അട്ടപ്പാടി നരസിമുക്ക് സ്വദേശിയായ പാപ്പണ്ണന് (50) വേണ്ടി സ്ഫോടകവസ്തുക്കള് കടത്താന് ശ്രമിച്ചതെന്നാണ് പ്രതി പോലിസിന് നല്കിയ മൊഴി.