നാലുവയസുകാരിയെ പുഴയില് എറിഞ്ഞു കൊന്ന കേസില് ബന്ധുവിന് ജീവപര്യന്തം
കണ്ണൂര് മട്ടന്നൂര് വായ്ത്തോട് നന്ദനത്തില് രഞ്ജിത് കുമാറിന്റെയും നീഷ്മയുടെയും മകള് മേഭയാണ് കൊല്ലപ്പെട്ടത്. 2016 ഒക്ടോബര് 13നായിരുന്നു സംഭവം.
തൃശൂര്: നാലുവയസുകാരിയെ പുഴയില് എറിഞ്ഞു കൊലപ്പെുടത്തിയ കേസില് ബന്ധുവായ സ്ത്രീക്ക് ജീവപര്യന്തം ശിക്ഷ. 50000 രുപ പിഴയടച്ചില്ലെങ്കില് രണ്ടുവര്ഷംകൂടി ശിക്ഷ അനുഭവിക്കണമെന്നും ജില്ലാ പ്രിന്സിപ്പല് സെഷല്സ് ജഡ്ജി സോഫി തോമസ് ശിക്ഷവിധിച്ചു. ഒല്ലൂര് പിആര്പടി വായ്പറമ്പില് പരേതനായ വിജയന്റെ ഭാര്യ ഷൈലജ (ഷൈല-50)യെയാണ് കോടതി ശിക്ഷിച്ചത്. കേസിലെ പ്രധാനസാക്ഷികളായ കുട്ടിയുടെ മാതാപിതാക്കള് വിദേശത്തായിരുന്നു. വീഡിയോ കോണ്ഫറന്സിലൂടെയാണ് ഇവരുടെ വിചാരണ നടത്തിയത്. കണ്ണൂര് മട്ടന്നൂര് വായ്ത്തോട് നന്ദനത്തില് രഞ്ജിത് കുമാറിന്റെയും നീഷ്മയുടെയും മകള് മേഭയാണ് കൊല്ലപ്പെട്ടത്. 2016 ഒക്ടോബര് 13നായിരുന്നു സംഭവം.
മേഭയുടെ അമ്മയുടെ പിതൃസഹോദരിയാണ് ഷൈലജ. മേഭയുടെ വീട്ടുകാരുമായി ഷൈലജക്ക് മുന്വിരോധമുണ്ടായിരുന്നു. പാഴായിലെ ബന്ധുവീട്ടില് വന്ന മേഭയെ മണലിപ്പുഴക്കടവിലേക്ക് കൂട്ടിക്കൊണ്ടുപോയി വായും മൂക്കും പൊത്തി പുഴയിലേക്ക് എറിയുകയായിരുന്നു. മേഭയുടെ സ്വര്ണ അരഞ്ഞാണം കാണാതായിരുന്നു. ഇത് ഷൈലജ മോഷ്ടിച്ചതാണെന്ന് കുട്ടിയുടെ വീട്ടുകാര് പലരോടും പറഞ്ഞു. ഷൈലജയെ ഒരിക്കല് പൊലീസ് പിടികൂടിയതിനെ തുടര്ന്ന് വീട്ടില് കയറരുതെന്ന് നീഷ്മയുടെ വീട്ടുകാര് താക്കീതും നല്കിയിരുന്നു. ഈ വിരോധമാണ് കുട്ടിയെ കൊലപ്പെടുത്താന് ഷൈലജയെ പ്രേരിപ്പിച്ചതെന്നാണ് പ്രോസിക്യൂഷന് വാദിച്ചത്. കുട്ടിയെ പുഴയില് എറിഞ്ഞശേഷം വീട്ടുകാരുടെ ശ്രദ്ധ തിരിച്ചുവിടാന് ഇതര സംസ്ഥാനക്കാര് കുട്ടിയെ എടുക്കുന്നതായി കണ്ടുവെന്ന് ഷൈലജ തെറ്റിദ്ധരിപ്പിച്ചിരുന്നു. എന്നാല് അരമണിക്കൂറിനുശേഷം മൃതദേഹം കണ്ടെത്തി. കേസില് 38 സാക്ഷികളാണ് ഉണ്ടായിരുന്നത്. അതില് പ്രതിയുടെ അടുത്ത ബന്ധുക്കളും പ്രോസിക്യൂഷന് അനുകൂലമായിട്ടാണ് മൊഴി നല്കിയത്.