തിരുവനന്തപുരം: രാഹുല്‍ ഗാന്ധിയുടെ നേതൃത്വത്തില്‍ കന്യാകുമാരി മുതല്‍ കശ്മീര്‍ വരെ കോണ്‍ഗ്രസ് നടത്തുന്ന 'ഭാരത് ജോഡോ' യാത്ര സപ്തംബര്‍ 11ന് കേരളത്തില്‍ പ്രവേശിക്കും. യാത്രയുടെ ഒരുക്കങ്ങള്‍ എല്ലാം പൂര്‍ത്തിയായെന്ന് കോണ്‍ഗ്രസ് വര്‍ക്കിങ് പ്രസിഡന്റ് കൊടിക്കുന്നില്‍ സുരേഷ് എംപി പറഞ്ഞു.
നാല് ദിവസത്തെ പര്യടനമാണ് കേരളത്തിലുണ്ടാവുക. തിരുവനന്തപുരം മുതല്‍ തൃശൂര്‍ വരെ ദേശീയ പാതവഴിയും തുടര്‍ന്ന് തൃശൂര്‍ നിന്നും നിലമ്പൂര്‍ വരെ സംസ്ഥാന പാതവഴിയുമാണ് ജാഥ കേരളത്തിലൂടെ കടന്നുപോവുന്നത്. തൃശൂരില്‍ കെപിസിസിയുടെ മഹാറാലി സംഘടിപ്പിക്കുമെന്നും കൊടിക്കുന്നില്‍ സുരേഷ് പറഞ്ഞു.