ഇറാനെതിരായ ട്രംപിന്റെ യുദ്ധം അവസാനിപ്പിക്കാൻ അമേരിക്കക്കാർ മുൻകൈയ്യെടുക്കണമെന്ന് ഫിലിപ്പീൻസിലെ കത്തോലിക്കാ നേതാവ്

ഫിലിപ്പീൻസ് : ഇറാനെതിരായ ട്രംപിന്റെ യുദ്ധം അപകടകരവും വിനാശകരവുമാണെന്ന് ഫിലിപ്പീൻസിലെ കത്തോലിക്കാ നേതാവ് കർദ്ദിനാൾ പാബ്ലോ വിർജിലിയോ ഡേവിഡ്. യുദ്ധം അവസാനിപ്പിക്കണമെന്ന് അദ്ദേഹം അമേരിക്കക്കാരോട് അഭ്യർഥിച്ചു.

ഫേസ്ബുക്കിൽ പോസ്റ്റ് ചെയ്ത തുറന്ന കത്തിൽ, ഈ യുദ്ധം തടയാൻ അമേരിക്കൻ പൗരന്മാർക്ക് അധികാരമുണ്ടെന്നും അവർ അത് ഉപയോഗിക്കണമെന്നും അദ്ദേഹം പറഞ്ഞു.

ഒരു നേതാവിന്റെ തീരുമാനങ്ങളുടെ ഉത്തരവാദിത്തം അദ്ദേഹത്തിന് മാത്രമല്ല, അദ്ദേഹത്തെ തിരഞ്ഞെടുത്ത് പിന്തുണയ്ക്കുന്ന ആളുകൾക്കും കൂടിയാണെന്ന് അദ്ദേഹം പറഞ്ഞു.

ഹിരോഷിമയിലെയും നാഗസാക്കിയിലെയും അണുബോംബ് സ്ഫോടനങ്ങളെക്കുറിച്ച് കർദ്ദിനാൾ അമേരിക്കയെ ഓർമ്മിപ്പിച്ചു, ഇത്തരം നാശം ഇനി ഒരിക്കലും സംഭവിക്കരുതെന്ന് മുന്നറിയിപ്പ് നൽകി. നിയന്ത്രണമില്ലാതെ ബലപ്രയോഗം നടത്തുന്നതും സംഭാഷണമില്ലാതെ യുദ്ധം തിരഞ്ഞെടുക്കുന്നതും നേതൃത്വത്തിന്റെ പരാജയമല്ല, മറിച്ച് ധാർമ്മിക പരാജയമാണെന്ന് അദ്ദേഹം പറഞ്ഞു.