കുറ്റിയാടി: പൗരത്വ പ്രക്ഷോഭകരെ ആക്രമിച്ച സംഘപരിവാറിനെതിരേ കുറ്റിയാടിയില്‍ വന്‍ ജനകീയ പ്രതിഷേധം. ജനകീയ സമര സമിതിയുടെ നേതൃത്വത്തില്‍ കുറ്റിയാടി പോലീസ് സ്‌റ്റേഷന്‍ പരിസരത്തു നിന്ന് ആരംഭിച്ച പ്രതിഷേധ റാലിയില്‍ സ്്ത്രീകളും കുട്ടികളുമടക്കം നൂറുകണക്കിന് പേരാണ് പങ്കെടുത്തത്. പ്രതിഷേധത്തെ ചോരയില്‍ മുക്കി ഇല്ലാതാക്കാമെന്ന് സംഘപരിവാരത്തിന്റെയും ഭരണകൂടത്തിന്റെയും അതിമോഹം നടപ്പില്ലെന്ന് സമാപന യോഗത്തില്‍ ചെയര്‍മാന്‍ ഖാലിദ് മൂസാ നദ്‌വി പറഞ്ഞു. സ്വാതന്ത്ര്യം അല്ലെങ്കില്‍ ആറടി മണ്ണ് എന്നാണ് പ്രക്ഷോഭകര്‍ക്ക് പറയാനുള്ളത് എന്ന് അദ്ദേഹം പറഞ്ഞു. പ്രതിഷേധ റാലിക്ക് സലാം കല്ലറ, കേളോത്ത് അബ്ദുല്‍ ഹമീദ് മാസ്റ്റര്‍, ഇ കെ കരണ്ടോട്, എന്‍ കെ റഷീദ് ഉമരി, വി പി ജമാല്‍ നേതൃത്വം നല്‍കി.