കോട്ടയം: പൊന്‍കുന്നത്ത് കുറുക്കന്റെ ആക്രമണത്തില്‍ ഒരാള്‍ക്കു പരിക്കേറ്റു. പൊന്‍കുന്നം കാവാലിമാക്കലാണ് കുറുക്കന്റെ ആക്രമണമുണ്ടായത്. കടിയേറ്റ കാവാലിമാക്കല്‍ സ്വദേശിയെ കോട്ടയം മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ചു. രാത്രി കടയടച്ച് വീട്ടിലേക്ക് മടങ്ങുംവഴിയായിരുന്നു കുറുക്കന്‍ ആക്രമിച്ചത്. ഓടിരക്ഷപ്പെടാന്‍ ശ്രമിച്ചെങ്കിലും കുറുക്കന്‍ പിന്നാലെ ഓടി ആക്രമിക്കുകയായിരുന്നു. കാലില്‍ കടിച്ച കുറുക്കനെ വലിച്ചെറിഞ്ഞെങ്കിലും വീണ്ടും ആക്രമിച്ചു. ശരീരത്തില്‍ പലയിടത്തും പരിക്കേറ്റിട്ടുണ്ട്.