തൃശ്ശൂർ: നിപ സംശയത്തെ തുടർന്ന് തൃശ്ശൂർ മെഡിക്കൽ കോളേജിൽ പ്രവേശിപ്പിച്ച കുട്ടിക്ക് നിപയല്ലെന്ന് സ്ഥിരീകരണം. പെരിന്തൽ മണ്ണ സ്വദേശിയായ 15കാരിയുടെ പരിശോധന ഫലമാണ് നെഗറ്റീവായത്. കോഴിക്കോട് നടത്തിയ പരിശോധനയിലാണ് നിപ അല്ലെന്ന് തെളിഞ്ഞത്.
നിലവിൽ കുട്ടിക്ക് വൈറൽ പനിയാണെന്നും തലച്ചോറിനെ ബാധിച്ചതിനാൽ വിദഗ്ധ ചികിൽസ നൽകി വരുന്നതായി മെഡിക്കൽ കോളജ് അധികൃതർ അറിയിച്ചു.
