മലപ്പുറം: ലോക് ഡൗണ് കാലയളവില് സന്നദ്ധ സേവനങ്ങള്ക്കായി പുറത്തിറങ്ങുന്നവര്ക്ക് ജില്ലാ കലക്ടറോ ജില്ലാ പൊലീസ് മേധാവിയോ അംഗീകരിച്ച പാസ് സംവിധാനം നിര്ബന്ധമാക്കി. പഞ്ചായത്ത് സെക്രട്ടറിമാര് ഒരു വാര്ഡില് നിന്ന് പരമാവധി മൂന്ന് വളണ്ടിയര്മാര് എന്ന രീതിയില് ലിസ്റ്റ് തയ്യാറാക്കി പഞ്ചായത്ത് ഡെപ്യൂട്ടി ഡയറക്ടര്ക്ക് സമര്പ്പിക്കണം. പഞ്ചായത്ത് ഡെപ്യൂട്ടി ഡയറക്ടര് ഈ ലിസ്റ്റ് പരിശോധിച്ച് അംഗീകാരത്തിനായി ജില്ലാ കലക്ടര്, ജില്ലാ പോലീസ് മേധാവി എന്നിവര്ക്ക് കൈമാറും. ഇത്തരത്തില് അംഗീകാരം ലഭിക്കുന്ന വളണ്ടിയര്മാരുടെ മൊബൈല് നമ്പരിലേക്ക് എസ്.എം.എസ് വഴി വിവരങ്ങള് ചേര്ക്കുന്നതിനായുള്ള ലിങ്ക് നല്കും. വളണ്ടിയര്മാരില് നിന്ന് വിവരങ്ങള് ലഭ്യമാക്കുന്ന മുറക്ക് പാസ് അനുവദിക്കും.