റെയില്‍വേ ട്രാക്ക് മുറിച്ചുകിടക്കാന്‍ ശ്രമിക്കുന്നതിനിടെ ട്രെയിന്‍ തട്ടി യുവാവ് മരിച്ചു
കോഴിക്കോട്: വടകരയില്‍ റെയില്‍വേ ട്രാക്ക് മുറിച്ചുകിടക്കാന്‍ ശ്രമിക്കുന്നതിനിടെ ട്രെയിന്‍ തട്ടി യുവാവ് മരിച്ചു. കുരിയാടി കോയന്റവളപ്പില്‍ രജീഷ്(42) ആണ് മരിച്ചത്. വെള്ളിയാഴ്ച രാവിലെ ഏഴരയോടെ വടകര പൂവാടന്‍ ഗേറ്റിലാണ് സംഭവം. പൂനെ എക്‌സ്പ്രസാണ് ഇടിച്ചത്. തെറിച്ചു വീണ രജീഷിനെ നാട്ടുകാര്‍ ആശുപത്രിയില്‍ എത്തിച്ചെങ്കിലും രക്ഷിക്കാനായില്ല. പൂവാടന്‍ ഗേറ്റില്‍ അടിപ്പാത നിര്‍മാണം നടക്കുന്നതിനാല്‍ മറ്റൊരു വഴിയിലൂടെ റെയില്‍വേ ട്രാക്ക് മുറിച്ചുകിടക്കാന്‍ ശ്രമിക്കുമ്പോഴാണ് അപകടം. രജീഷ്: മല്‍സ്യത്തൊഴിലാളിയാണ്. പിതാവ്: സഹദേവന്‍. മാതാവ്: വിമല. സഹോദരങ്ങള്‍: പ്രിയ, പ്രിയേഷ്. മൃതദേഹം പോസ്റ്റുമോര്‍ട്ടത്തിനായി ജില്ലാ ആശുപത്രി മോര്‍ച്ചറിയിലേക്ക് മാറ്റി.