വൈദുതി ലൈനില്‍ നിന്ന് ഷോക്കേറ്റ് ഗൃഹനാഥന്‍ മരിച്ചു
വലമ്പൂരില്‍ മാവില്‍ നിന്ന് മാങ്ങ പറിക്കുന്നതിനിടെ വൈദ്യുതി ലൈനില്‍ നിന്നു ഷോക്കേറ്റ വലമ്പൂര്‍ സ്വദേശി കാഞ്ഞിരത്തിങ്കല്‍ വീട്ടില്‍ ഹനീഫ (50)യാണ് മരിച്ചത്.
പെരിന്തല്‍മണ്ണ: വൈദ്യുതി ലൈനില്‍ നിന്ന് ഷോക്കേറ്റ ഗ്യഹനാഥന്‍ മരിച്ചു. വലമ്പൂരില്‍ മാവില്‍ നിന്ന് മാങ്ങ പറിക്കുന്നതിനിടെ വൈദ്യുതി ലൈനില്‍ നിന്നു ഷോക്കേറ്റ വലമ്പൂര്‍ സ്വദേശി കാഞ്ഞിരത്തിങ്കല്‍ വീട്ടില്‍ ഹനീഫ (50)യാണ് മരിച്ചത്. ഇന്ന് ഉച്ചയോടെയാണ് സംഭവം. അപകടത്തില്‍ ഗുരുതര പരിക്കേറ്റ ഹനീഫയെ ഉടന്‍ സ്വകാര്യ ആശുപത്രിയില്‍ പ്രവേശിപ്പിച്ചെങ്കിലും രക്ഷിക്കാനായില്ല. പോസ്റ്റുമോര്‍ട്ടത്തിനു ശേഷം മൃതദേഹം ബന്ധുക്കള്‍ക്ക് കൈമാറും. റൈഹാനത്താണ് ഭാര്യ. മക്കള്‍ ആസിഫ്, ആഷിഖ്, നൂര്‍മിന. ഖബറടക്കം നാളെ.