രാമന് ഹിന്ദുക്കളുടെ മാത്രമല്ല മുസ്ലിംങ്ങളുടെയും പൂര്വികന്- ബാബാ രാംദേവ്
രാമക്ഷേത്രം നിര്മിക്കേണ്ടത് അയോധ്യയിലാണ്. അല്ലാതെ, മക്കയിലോ മദീനയിലോ വത്തിക്കാനിലോ അത് നിര്മിക്കാനാവില്ല. വോട്ട് ബാങ്ക് രാഷ്ട്രീയം ലക്ഷ്യം വെച്ചല്ല അയോധ്യയിലെ രാമക്ഷേത്ര നിര്മാണമെന്നും രാംദേവ് പറഞ്ഞു.
അഹമ്മദാബാദ്: ശ്രീരാമന് ഹിന്ദുക്കളുടെ മാത്രമല്ല മുസ്ലിംങ്ങളുടെയും പൂര്വികനാണെന്ന വിചിത്ര വാദവുമായി വിവാദ യോഗാ ഗുരുവും സംഘപരിവാര് സഹയാത്രികനുമായി ബാബാ രാംദേവ്. രാമക്ഷേത്രം നിര്മിക്കേണ്ടത് അയോധ്യയിലാണ്. അല്ലാതെ, മക്കയിലോ മദീനയിലോ വത്തിക്കാനിലോ അത് നിര്മിക്കാനാവില്ല. വോട്ട് ബാങ്ക് രാഷ്ട്രീയം ലക്ഷ്യം വെച്ചല്ല അയോധ്യയിലെ രാമക്ഷേത്ര നിര്മാണമെന്നും രാംദേവ് പറഞ്ഞു.
രാമന്റെ ജന്മസ്ഥലം അയോധ്യയാണ്. ക്ഷേത്രം രാജ്യത്തിന്റെ അഭിമാനമാകുമെന്നും ഗുജറാത്തില് നടന്ന ഒരു ചടങ്ങില് രാംദേവ് വ്യക്തമാക്കി. ബാബരി മസ്ജിദ്രാമജന്മഭൂമി കേസില് സുപ്രിം കോടതിയില് വാദം നടന്നുകൊണ്ടിരിക്കെയാണ് രാംദേവിന്റെ പ്രതികരണം. ജനുവരി 29നാണ് കേസില് വാദം കേള്ക്കാന് നിശ്ചയിച്ചിരുന്നതെങ്കിലും അഞ്ചംഗ ഭരണഘടനാ ബെഞ്ചിലെ എസ്എ ബോബ്ഡെയുടെ അസൗകര്യം മൂലം വാദം മാറ്റിവെച്ചിരുന്നു. പുതിയ തിയതി ഇതുവരെ പ്രഖ്യാപിച്ചിട്ടില്ല. രാമക്ഷേത്രം അടുത്ത രണ്ട് വര്ഷത്തിനകം നിര്മിക്കുമെന്ന് നരേന്ദ്ര മോദി സര്ക്കാര് ഉറപ്പ് വരുത്തണമെന്ന് ആര്എസ്എസ് തലവന് മോഹന് ഭഗവത് നേരത്തെ ആവശ്യപ്പെട്ടിരുന്നു.