'വിരട്ടാന് നോക്കുന്നോ? ഇത് കേരളമാണ്, മറക്കണ്ട'; മുഖ്യമന്ത്രിക്കെതിരേ വി ഡി സതീശന്
തിരുവനന്തപുരം: വ്യാപാരികള് സ്വയം തീരുമാനിച്ച് കടകള് തുറക്കുന്നതടക്കമുള്ള മാര്ഗങ്ങളിലേക്ക് പോവുകയാണെങ്കില് നേരിടേണ്ട രീതിയില് നേരിടുമെന്ന മുഖ്യമന്ത്രി പിണറായി വിജയന്റെ പരാമര്ശത്തിന് രൂക്ഷമായ മറുപടിയുമായി പ്രതിപക്ഷ നേതാവ് വി ഡി സതീശന്. മുഖ്യമന്ത്രിയുടെ വെല്ലുവിളി കേരളത്തില് വിലപ്പോകില്ല. മനുഷ്യന് കടക്കെണിയില് പെട്ട് ആത്മഹത്യയുടെ വക്കില് നില്കുമ്പോള് ആശ്വസിപ്പിക്കേണ്ട ഭരണകൂടം വിരട്ടാന് നോക്കുകയാണോ എന്നും വി ഡി സതീശന് ചോദിച്ചു.
മുഖ്യമന്ത്രിയുടെ പ്രസ്താവന കേരളത്തിലെ വ്യാപാരികളോടും ജനങ്ങളോടുമുള്ള ധിക്കാരം നിറഞ്ഞ വെല്ലുവിളിയാണ്. തിരഞ്ഞെടുപ്പു കഴിഞ്ഞപ്പോള് മോറട്ടോറിയവുമില്ല. സഹായങ്ങളുമില്ല എന്നും അദ്ദേഹം പറഞ്ഞു.