മലപ്പുറം: ആഭരണ തൊഴിലാളി ക്ഷേമനിധി ബോര്‍ഡ് പിരിച്ചുവിട്ടതിനെതിരെയും, മുഖ്യമന്ത്രിയും ആഭരണ നിര്‍മ്മാണ ലോബിയും തമ്മിലുള്ള രഹസ്യ കൂട്ടുകെട്ട് സി.ബി.ഐ അന്വേഷിക്കണമെന്ന് ആവശ്യപ്പെട്ടും കെപിസിസി ഒ.ബിസി ഡിപാര്‍ട്ട്‌മെന്റ് മലപ്പുറം ജില്ലാ കമ്മറ്റി കലക്ടറേറ്റിനു മുമ്പില്‍ പൊന്നുരുക്കി സമരം നടത്തി.
എ പി അനില്‍കുമാര്‍ എംഎല്‍എ ഉദ്ഘാടനം ചെയ്തു.ജില്ലാ ചെയര്‍മാന്‍ മണമ്മല്‍ ബാബു അധ്യക്ഷതവഹിച്ചു. സംസ്ഥാന ജനറല്‍ സെക്രട്ടറി മുജീബ് ആനക്കയം, ഡിസിസി വൈസ് പ്രസിഡന്റ് വീക്ഷണം മുഹമ്മദ്, എം കെ മുഹസിന്‍, പ്രഭാകരന്‍ കോഡൂര്‍, ഷൗക്കത്ത് ഉപ്പൂടന്‍, കെ പി ശ്രീധരന്‍, ജംഷീര്‍ പാറയില്‍ സംസാരിച്ചു.