എക്സൈസ് നയക്കേസ്; അരവിന്ദ് കെജ്രിവാൾ സമർപ്പിച്ച ഹരജിയിൽ വാദം കേൾക്കുന്നത് മാറ്റി
ന്യൂഡൽഹി: ഡൽഹി എക്സൈസ് നയക്കേസിൽ അരവിന്ദ് കെജ്രിവാൾ ഉൾപ്പെടെയുള്ളവർ സമർപ്പിച്ച പുനപ്പരിശോധനാ ഹരജികളിൽ വാദം കേൾക്കുന്നത് മാറ്റി.ഏപ്രിൽ 13ലേക്കാണ് മാറ്റിയിരിക്കുന്നത്. കേസിൽ പ്രതികൾ ഉന്നയിച്ച വാദങ്ങൾക്ക് മറുപടി നൽകാൻ സെൻട്രൽ ബ്യൂറോ ഓഫ് ഇൻവെസ്റ്റിഗേഷൻ (സിബിഐ) കോടതി അനുമതി നൽകി.
വ്യാഴാഴ്ച കേസ് പരിഗണിച്ച കോടതി, വരും ദിവസങ്ങളിൽ കൂടുതൽ വിശദമായ വാദം കേൾക്കുന്നതിനായി നടപടികൾ ലിസ്റ്റ് ചെയ്യുകയായിരുന്നു.
ഹരജികളിൽ മറുപടി നൽകാൻ വൈകുന്ന പ്രതികൾക്കെതിരെ കർശനമായ നിലപാടാണ് കോടതി സ്വീകരിച്ചത്. സിബിഐയുടെ ഹർജികളിൽ ഇനിയും വിശദീകരണം നൽകാത്തവർക്ക് അവസാന മുന്നറിയിപ്പ് നൽകിയ ബെഞ്ച്, കൃത്യസമയത്ത് മറുപടി സമർപ്പിച്ചില്ലെങ്കിൽ അതിനുള്ള അവകാശം റദ്ദാക്കുമെന്ന് വ്യക്തമാക്കി.