കോട്ടയം: മെഡിക്കല്‍ കോളജ് ആശുപത്രിയില്‍ വന്‍ തീപ്പിടിത്തം. പുതുതായി നിര്‍മിക്കുന്ന എട്ട് നില കെട്ടിടത്തിലാണ് തീപ്പിടിത്തമുണ്ടായത്. ഏറ്റുമാനൂര്‍, കോട്ടയം ഫയര്‍ഫോഴ്‌സ് യൂനിറ്റുകളെത്തി തീയണയ്ക്കാനുള്ള ശ്രമം തുടരുകയാണ്. തീ ഉയര്‍ന്നതോടെ നിര്‍മാണ പ്രവര്‍ത്തനങ്ങളില്‍ ഏര്‍പ്പെട്ടിരുന്ന തൊഴിലാളികള്‍ പുറത്തേയ്ക്കിറങ്ങിയോടി. എങ്ങനെയാണ് തീപ്പിടിത്തമുണ്ടായതെന്ന കാര്യം വ്യക്തമല്ല. ഇതെത്തുടര്‍ന്നുണ്ടായ കറുത്ത പുക ആശുപത്രിയുടെ പരിസരത്ത് വ്യാപിച്ചിട്ടുണ്ട്.