തിരുവനന്തപുരം: കൊവിഡ് പശ്ചാത്തലത്തില് അടച്ച സംസ്ഥാനത്തെ പ്രൊഫഷണല് കോളേജുകള് ഉള്പ്പടെയുള്ള എല്ലാ ഉന്നതവിദ്യാഭ്യാസ സ്ഥാപനങ്ങളും തുറക്കുന്നതിന് സര്ക്കാര് ഉത്തരവിറക്കി. നിബന്ധനകള്ക്ക് വിധേയമായി ഒക്ടോബര് 4 മുതല് തുറന്ന് പ്രവര്ത്തിക്കാനാണ് അനുമതിയുള്ളത്.
അഞ്ച്, ആറ് സെമസ്റ്റര് ബിരുദ ക്ലാസുകളും മൂന്ന്, നാല് സെമസ്റ്റര് പിജി ക്ലാസുകളും അടുത്തമാസം നാല് മുതല് തുടങ്ങും. പിജി ക്ലാസുകള് മുഴുവന് വിദ്യാര്ത്ഥികളെയും ഉള്ക്കൊള്ളിച്ചുകൊണ്ടും ബിരുദ ക്ലാസുകള് 50 ശതമാനം വിദ്യാര്ത്ഥികളെ ഒരു ബാച്ച് ആയി പരിഗണിച്ച് ഇടവിട്ടുള്ള ദിവസങ്ങളിലോ ആവശ്യത്തിന് സ്ഥലമുള്ള ഇടങ്ങളില് പ്രത്യേക ബാച്ചുകളായി ദിവസേനയോ നടത്താവുന്നതാണ്. ക്ലാസുകളുടെ സമയം കോളേജുകള്ക് തീരുമാനിക്കാം. സയന്സ് വിഷയങ്ങളില് പ്ലാക്റ്റിക്കല് ക്ലാസുകള്ക്കും പ്രാധാന്യം നല്കാം.