ന്യൂഡല്ഹി: അധ്യാപകരുടെ പീഡനത്തില് മനംനൊന്ത് വിദ്യാര്ഥി ജീവനൊടുക്കി. ഡല്ഹിയിലെ സ്വകാര്യ സ്കൂളിലെ വിദ്യാര്ഥിയാണ് മെട്രോ സ്റ്റേഷനില് നിന്ന് ചാടി ജീവനൊടുക്കിയത്. കുട്ടിയുടെ ബാഗില് നിന്ന് ആത്മഹത്യാക്കുറിപ്പ് കണ്ടെത്തി. അധ്യാപകരുടെ പീഡനമാണ് മരണകാരണമെന്ന് കുറിപപ്ില് പറയുന്നുണ്ട്. സംഭവത്തില് പിതാവ് പോലിസില് പരാതി നല്കി.
'സോറി മമ്മി, ഞാന് അനേകം തവണ നിങ്ങളുടെ ഹൃദയം വേദനിപ്പിച്ചിട്ടുണ്ട്. ഇപ്പോള് അവസാനമായി ചെയ്യുകയാണ്. സ്കൂളിലെ അധ്യാപകര് ഇങ്ങനെയാണെങ്കില് എന്താ പറയാന് കഴിയുക? എന്റെ അവയങ്ങള് പ്രവര്ത്തനക്ഷമമാണെങ്കില് അത് ആവശ്യമുള്ളവര്ക്ക് നല്കണം'- എന്നാണ് കുട്ടിയുടെ ആത്മഹത്യാക്കുറിപ്പിലുള്ളത്. കത്ത് ലഭിക്കുന്നയാള് അതിലുള്ള ഫോണ് നമ്പറില് വിളിച്ച് താന് ചെയ്തതിന് മാപ്പ് പറഞ്ഞതായി അറിയിക്കണമെന്നും കുട്ടിയുടെ ആത്മഹത്യാക്കുറിപ്പിലുണ്ട്. പ്രിന്സിപ്പലിനും അധ്യാപകര്ക്കുമെതിരേ നടപടി സ്വീകരിക്കണമെന്നുംകത്തില് പറയുന്നു.
ചൊവ്വാഴ്ച രാവിലെ 7.15ന് മകന് സ്കൂളിലേയ്ക്ക് പോയെന്നും 2.45ഓടെ സെന്ട്രല് ഡല്ഹിയിലെ രാജേന്ദ്ര പ്ളേസ് മെട്രോ സ്റ്റേഷനില് കുട്ടി പരിക്കേറ്റ് കിടക്കുന്നതായി കോള് വരികയായിരുന്നെന്ന് പിതാവ് പറയുന്നു. അധ്യാപകര്ക്കെതിരേ സ്കൂളില് പരാതി നല്കിയെങ്കിലും നടപടിയൊന്നുമുണ്ടായില്ലെന്നും പിതാവ് പറഞ്ഞു.