സിപിഎം പ്രതിനിധി സമ്മേളനം മാര്‍ച്ച് ഒന്നിന് യെച്ചൂരി ഉദ്ഘാടനം ചെയ്യും; സമ്മേളന രേഖയ്ക്ക് അന്തിമരൂപമായെന്നും കോടിയേരി
തിരുവനന്തപുരം: സിപിഎം സംസ്ഥാന സമ്മേളന രേഖയ്ക്ക് അന്തിമരൂപം നല്‍കിയതായി സംസ്ഥാന സെക്രട്ടറി കോടിയേരി ബാലകൃഷ്ണന്‍. എറണാകുളം മറൈന്‍ ഡ്രൈവില്‍ നടക്കുന്ന സംസ്ഥാന പ്രതിനിധി സമ്മേളനം മാര്‍ച്ച് ഒന്നിന് സീതാറാം യെച്ചൂരി ഉദ്ഘാടനം ചെയ്യും. സെമിനാറുകള്‍ മറൈന്‍ ഡ്രൈവില്‍ത്തന്നെ മറ്റ് വേദികളില്‍ നടക്കുമെന്നും കോടിയേരി വാര്‍ത്താസമ്മേളനത്തില്‍ പറഞ്ഞു.
മാര്‍ച്ച് നാലിന് മറൈന്‍ ഡ്രൈവില്‍ പൊതുസമ്മേളനം നടക്കും. യെച്ചൂരിക്ക് പുറമേ പൊളിറ്റ് ബ്യൂറോ അംഗങ്ങളായ പ്രകാശ് കാരാട്ട്, എസ് രാമചന്ദ്രന്‍പിള്ള, ബൃന്ദ കാരാട്ട്, പിണറായി വിജയന്, എം എ ബേബി, രാമകൃഷ്ണന്‍ എന്നിവരും സമ്മേളനത്തില്‍ പങ്കെടുക്കും.