മലപ്പുറം: വളാഞ്ചേരിയില്‍ വെന്റിലേറ്റര്‍ ലഭിക്കാത്തതിനാല്‍ കൊവിഡ് രോഗി മരിച്ചതായി പരാതി. തിരൂര്‍ പുറത്തൂര്‍ സ്വദേശിനി ഫാത്തിമയാണ് മരിച്ചത്. 80 വയസായിരുന്നു. ഇന്നലെ രാത്രിയാണ് ഇവര്‍ മരിച്ചത്. സ്വകാര്യ ആശുപത്രിയില്‍ വച്ചായിരുന്നു മരണം.
ചികില്‍സയിലുള്ള ആശുപത്രിയില്‍ നിന്നും വെന്റിലേറ്റര്‍ സൗകര്യമുള്ള ആശുപത്രിയിലേക്ക് മാറ്റുന്നതിന് ശ്രമിച്ചിരുന്നു. എന്നാല്‍ ഒഴിവില്ലാത്തതിനാല്‍ എവിടെയും പ്രവേശനം ലഭിച്ചില്ല. ആവശ്യം പൊലീസ് കണ്ട്രോള്‍ റൂമിലും അറിയിച്ചിരുന്നു. ആശുപത്രി അധികൃതരും ബന്ധുക്കളും നിരവധി തവണ വെന്റിലേറ്ററിന് വേണ്ടി ശ്രമിച്ചിരുന്നു. അയല്‍ ജില്ലകളില്‍ വരെ വെന്റിലേറ്ററിനായി ശ്രമിച്ചു. സാമൂഹ്യമാധ്യമങ്ങളിലൂടെയും അന്വേഷണം നടത്തിയിരുന്നുെങ്കിലും വിജയിച്ചില്ല.